Ek Sacchai .......

Yun apni gurbat ka bandobast kiya tha usne
Bhure thonge se apni kitab ki jild ko cover kiya tha usne..

Purani kitabon se padhna sikha tha
aise usne apni garibi ko samjhna sikha tha...

Khali safed panno ko ikkatha karke nayi copiyan banayi thi
Jaise usne apni garibi ko safed chaader se chupayi thi...

50 paise ki pencil ke liye 2 din intezar karna sikha tha
Bachi hui choti hoti pencil se apni garibi ko sahna sikha tha...

Koi Rikshaw,gaadi,cycle se jata tha school usne apne pairon ko pahiya banaya tha,
Yun usne apne garibi ko chalna sikhaya tha....

Thand mai thuthurte ,barsat mai bheegte,Garmi mai tilmilate usne school ka safar tay kiya
Aise usne apni garibi ko maza lena sikhaya tha..

Yun apne gurbat ka bandobast kiya tha
Usne apni mehnat se apne mustaqbil ka roushan sitara kiya tha .....